11.01.2020, 17:23
Ayladim baxshida senga umrning har bobini, Hayf agar sen bilmasang mendek vafo arbobini. Olam-olam orzu baxsh etti ishqing ey aziz, Qiblayi maqsud deb bildim qoshing mehrobini. Muzlagan ko'ngilga qayta jon bag'ishlar lablaring, Tutmagin mendan darig', ey yor, la'ling nobini. Dilni moyil ayladi sevdim degan shirin so'zing, Ko'rmasaydim ishqilib men ayriliq girdobini. Qolmasin suv ostida deb qo'rqaman dunyo, agar, To'ksa hijroning ko'zimdan dardu g'am selobini. Doyimo derlar: Alisher, orzuning aybi yo'q, Menga vasling orzu, kutmoqdaman ro'yobini.
