Zelenskiyning oʻzbekistonlik qiyofadoshi Ukraina prezidenti rolini oʻynadi
Joylandi: 05.12.2019, 07:51
Ukraina prezidenti Vladimir Zelenskiyning qiyofadoshi – oʻzbekistonlik mexanik Umid Isabayev “Xalq xizmatchisi” (Sluga naroda) serialida Ukraina prezidenti rolini oʻynaydi, deb yozmoqda Rambler nashri.
Hozirda Umid Yaltada aktyorlik asoslarini oʻrganmoqda. Film suratga olish ishlari ham oʻsha yerda boʻladi.
Mashurlik toʻlqinidan keyin Umid Isabayevning butun hayoti oʻzgarmoqda, u hamma takliflarni qabul qilmoqda: Comedy Clubʻda chiqish qilishdan tortib kinoda rol oʻynashgacha. “Xalq xizmatchisi” seriali esa yosh ijodkor karyerasining boshlanishi boʻlishi ham mumkin.
“Xalq xizmatchisi” rejissyor Aleksey Kiryushenko tomonidan ishlangan boʻlib, film shiori “keyingi prezident tarixi” deb nomlanadi. Film bosh qahramoni hozirda Ukrainaning amaldagi prezidenti Vladimir Zelenskiy boʻladi.
“Xalq xizmatchisi” (Sluga naroda) serialining ukrain versiyasi 2015-yilda suratga olina boshlangan. Unda Ukrainaning amaldagi prezidenti Vladimir Zelenskiy rol oʻynagan. Umid Isabayev oʻynayotgan film esa ukrain serialining rus versiyasidir.
Saytimiz !
(Admini)
O'qildi: 359 marta | Joyladi: ADMINISTRATOR
