O'ylab ko'rdingizmi? 2020 yil 14 yanvar kuni yulduzlar sizga nimalarni va'da qilarkin?
Joylandi: 13.01.2020, 18:37
QO'Y (21. 03 — 20. 04)
Ish masalasida kuningiz umuman foydasiz kechishi mumkin. Ijobiy natija berishiga ishonmasangiz, o'sha ishga qo'l urmay qo'ya qoling. Pul masalasida ham ehtiyotkor bo'ling. Bir qismini zahira uchun yaxshi kunlarga deb olib qo'ying. Oilasizlardan kimdir yuragini jizillata olgan odam bilan munosabatlarni uzishi kutiladi. Kechqurun ayollar va qizlar tashqi qiyofasiga e'tibor qaratib qo'yganlari ma'qul. Olloh sizga yor bo'lsin! BUZOQ (21. 04 — 20. 05)
14 yanvar kuni yaqin manzilga safar hamda yangi tanishuvlar kutadi. Oilasiz bo'lsangiz, romantikadan umid qilmang. Bu tanishuv ko'proq ishingiz yoki o'qishingiz bilan bog'liq bo'ladi. Oilalilar ishxonasida yana bir karra o'zi sezmagan holda rahbarlarning imtihonidan o'tishi mumkin. Ishoning, imtihonni a'lo bahoga topshirasiz. Kechki payt olisda yashaydigan qarindoshlardan biri telefon orqali sizni o'zining bema'ni suhbati bilan charchatishi ehtimolga yaqin. EGIZAKLAR (21. 05 — 21. 06)
Bugungi kuningiz mushkulotlarga boy bo'ladi. Ishlaringiz o'lda-jo'lda qolib ketgan bo'lsa, hammasini oxiriga yetkazishingiz talab etiladi. Oilalilarni jufti qalban yaralashi mumkin. Suhbatda ehtiyot bo'ling. Juftingiz ancha yillar oldingi janjalli munosabatlarni eslab qolishi va shuning orqasidan orangizda kelishmovchiliklar yuzaga kelishi kutiladi. Kunning ikkinchi yarmida sportzalda o'tkaziladigan mashg'ulotlar muvaffaqiyatli yakun topadi. Faqat hammomga tushishni boshqa kunga qoldiring. Yurakni va qon tomirlarni ehtiyot qiling. QISQIChBAQA (22. 06 — 22. 07)
14 yanvarda muhabbat va ish orasida qolib, bu ikki qozonda qaynashingiz kutilmoqda. Xayolingizda hech kim sizning ishonchingizni oqlay olmayotgandek tuyulib, ruhiy bezovtalikka moyil bo'lasiz. Moliyaviy masalada rejalaringizni zudlik bilan o'zgartirishingiz kerak. Agar shaxsiy biznesingizga ega bo'lsangiz, yirik loyihalarga katta pul tikishni xayolingizdan chiqarib tashlang. Bu sizni inqirozga uchratadi. Omad sizga yor bo'lsin! ARSLON (23. 07 — 23. 08)
Bugun kunning birinchi yarmidayoq ilgari xomaki rejalashtirilgan ishlarni adog'iga yetkazishingiz lozim bo'ladi. Mas'uliyat yukini yanada oshirishingiz kerak. Do'stlaringizdan shubhangiz bo'lsa, ular sizni aldab yurgandek bo'laversa, qaror chiqarishga shoshilmang. Oldin obdon o'ylang. Shaxsiy hayotingiz osmonida quyosh charaqlaydi. Oila qurmaganlar kechqurun yangi romantik tanishuvni boshdan kechiradigan ko'rinadi. Agar shunday bo'lib chiqsa, Olloh baxtingizni bersin! PARIZOD (24. 08 — 22. 09)
14 yanvar kuni mehnat va sabrni o'zingizga shior qilib oling. Ishga chalg'isangiz, miyangizni xunuk xayollar chirmab olmaydi. Uydagi tashvishlar ham sizning zimmangizda. Majburiyatdan qochishga urinmang. Kunning ikkinchi yarmida ko'proq toza havoda piyoda sayr qiling. Qor qalin yoqqan bo'lsa, chanada uchib vaqt o'tkazsangiz ham yomon bo'lmaydi. Oilaviy hayotingizda muammo bo'lsa, qayg'uga botmang. Muammolar yo'l-yo'lakay albatta yechimini topadi. Surunkali xastalikka yo'liqqan bo'lsangiz, muolajalarni to'xtatmang. Dorilarni o'z vaqtida iching. TAROZI (23. 09 — 23. 10)
Bugun ertalabdayoq yirik loyihalarga qo'l urishni istab qolasiz. Bu fikringiz ma'qul. Ammo nihoyatda ehtiyot bo'lishingiz kerak. Yirik loyihalarning vazni ham o'ziga yarasha bo'ladi. Sal e'tiborsizlik qilsangiz, sizni ezg'ilab tashlashlari hech gap emas. Oilada ham standartlarga to'g'ri kelmaydigan qarorlar chiqarishingizga to'g'ri keladi. Bu meros, boylik taloshi bilan bog'liq bo'lishi ham mumkin. Asablarni juda ehtiyotlang. ChAYoN (24. 10 — 22. 11)
14 yanvarda professional kasbingiz bilan bog'liq ishlarda professionallik darajangiz osha borishi kuzatiladi. Boshqa shaharda bilimingizni oshirish haqida o'ylay boshlashingiz mumkin. Jamoangiz qarshisida uzoq vaqt so'zlashingizga to'g'ri kelishi ham ehtimoldan xoli emas. Fursatdan foydalanib nafaqat notiqlik san'atingiz, balki islohotchiligingizni ham namoyish eting. Bugun aslo safarga chiqa ko'rmang. O'QOTAR (23. 11 — 21. 12)
Birov bilan maslahatlashmay, o'z xohishlaringizga bo'ysungan holda erkinlikka chiqishni istasangiz, ko'ngilsiz vaziyatlarga duch kelishingiz mumkin. Atrofingizni o'rab turguvchi odamlar sizga dushman ham, do'st ham emas. Moliyaviy muammolarni xuddi bo'ron kabi birdan yopirilgan holda bartaraf eting. Bu ishni aslo cho'za ko'rmang. Bir tiyinsiz qoib ketishingiz mumkin. Kechqurun ayrimlar ko'ngildagidek daromadga ega bo'ladi. Omad sizga yor bo'lsin! TOG' EChKISI (22. 12 — 19. 01)
14 yanvar kuni eksperimentlar sizning bir qismingizga aylanishi mumkin. Ishxonangizda sukunat hukm suradi. Ishlaringizni mustaqil, birovlarning ishtirokisiz bajarasiz. Agar oldini olmagan bo'lsangiz, salomatligingiz pand berishi mumkin. Shamollashga uchrashdan saqlaning. Bu masalada sizga xalqona usullarga murojaat etish katta yordam bera oladi. Turli giyohlar xavfli virusni o'ldirishda qo'l keladi. Kechqurun oila davrasida vaqt o'tkazing. QOVG'A (20. 01 — 18. 02)
Bugun miyangizni faqat yorqin xayollar, g'oyalar chulg'ab olishi kutiladi. Oila qurmagan yigitlar bugun oila qurish haqida jiddiy o'ylab ko'rishlari kerak. Baxtingizga suyganingiz yoningizda. U sizdan jiddiy taklifni kutmoqda. Xayolparastlikka erk bermang. Hayotga real ko'z bilan boqing. Moddiy ahvolingizni yaxshilashda sovuqqonroq bo'lishingiz lozim. Aks holda muammolar sizga osonlikcha yon bermaydi. BALIQ (19. 02 — 20. 03)
14 yanvarda zimmangizdagi vazifalarni halollik bilan bajarishda davom eting. Obro'li odamlar bilan ehtiyotkorona muloqot qiling. Shunda ko'zlagan daromadingiz tez orada kissangizga kelib tushadi. Atrofdagilarga nisbatan qo'pol munosabatda bo'lishdan saqlaning. Bu katta janjallarga sabab bo'lishi mumkin. Muhabbatda munosabatlarni puxta rejalashtirgan holda ish tuting. Lekin romantikani ham unutib qo'ymang.
Saytimiz !
(Admini)
O'qildi: 495 marta | Joyladi: ADMINISTRATOR
