Joylandi: 24.06.2021, 14:48
Savol: Ta’lim dargohida o‘quvchilarning hijob o‘rab kelishiga ruxsat berilganmi?
R.Matmusayev
Javob: Vazirlar Mahkamasining 2018-yil 15-avgustdagi “Davlat umumiy o‘rta ta’lim muassasalari o‘quvchilarini zamonaviy maktab formasi bilan ta’minlash chora-tadbirlari to‘g‘risida”gi 666-sonli qarori bilan “Davlat umumiy o‘rta ta’lim muassasalari o‘quvchilari uchun zamonaviy yagona maktab formasini joriy etish tartibi to‘g‘risida Nizom” tasdiqlangan. Uning 7-bandiga ko‘ra, o‘quvchilar ta’lim muassasasi binosi ichida bosh kiyimsiz yurishlari lozim, ta’lim muassasasida o‘tkaziladigan turli tadbirlar jarayoni bundan mustasno.
O‘zbekiston Respublikasida aholi turli millat va diniy konfessiyalar vakillaridan iboratligi hamda majburiy umumiy o‘rta ta’lim dunyoviy xarakterga egaligi munosabati bilan o‘quvchilarning maktab formasiga turli din va konfessiyalar hamda turli submadaniyatlarga mansublikni aks ettiruvchi elementlarni (hijob, kipa, kashaya, xoch va boshqalar) qo‘shishiga yo‘l qo‘yilmaydi.
Savolga XTV axborot xizmati ko‘magida javob olindi.
Saytimiz !
(Admini)
O'qildi: 228 marta | Joyladi: ADMINISTRATOR
